「甘草王」罗乐林之前话同太太陈宝仪嘅关系已经名存实亡,夫妻关系麻麻,但妈咪姐知道佢其实好锡老婆同个女罗苡芝,仲餐餐负责煮饭俾屋企人食o忝!
早两日妈咪姐就撞到啱啱做咗外父嘅罗乐林,佢趁唔使开工,就去咗九龙城街市买餸,腾嚟腾去,买咗好多菜同肉,成个「师奶」咁。睇嚟呢日阿女应该带埋老公仔陈志健返屋企食饭,罗乐林有排忙咯!
九龙城扫货
去到九龙城,罗乐林熟晒架步,好快就行去相熟店铺买新界靓菜心,再买埋梅头猪肉,好识食。
上年 10月,罗苡芝下嫁港男陈志健,罗乐林同老婆陈宝仪难得同场,一家四口,开开心心,咁咪好罗!