粤语视频直译
如果我话学语言一种最好嘅方法就系睇该语言嘅视频，相信好多人都会认同。有趣味，吸引人，又能够令人身临其境咁体会到该语言嘅韵味。我之前教一名学员学粤语，就系采用咁样嘅方法。不过发现咗一个问题：依家粤语视频嘅字幕都系意译，而唔系直译。如果演员话：“我地嘅行动依家就开始啦。”字幕通常会显示：“我们的行动现在就开始吧。”演员话：“好嬲啊。”字幕会系：“我很生气。”……
亦即系话，发音用字同字幕用字并非一一对应起莅。咁样就会对初学者学习造成一定嘅困难，好难把握到意思同埋读音。另外，长期睇咁样嘅字幕，学员始终都系用北方话嘅思维去理解事物，中间始终有一个翻译转换嘅过程。咁样嘅话，好难学到地道嘅粤语，好难以流利嘅粤语同人对话。学过英语嘅人应该对呢个深有体会。因此我觉得，令北方人快速掌握粤语嘅方法就系：
直译。
将发音用字直接写成字幕畀北方人睇。而且呢种方法仲有一个好处，可以为日后粤语书面化铺平道路。粤语书面化之后，南粤文化建设就水到渠成啦！