話晒係大明星，李敏鎬出巡，自然有實Q開路。晚上9點9左右，李敏鎬嘅助手同Stanley Team先到場視察環境，分兩架車嚟，都係工作人員，同夾埋Stanley Team約六至八人，睇晒位之後，確認安全喇，李敏鎬先至坐Benz到。一落車，見李敏鎬笑笑口，仲望鏡笑晒，非常nice，就連門口做招待嘅靚姐都現心心形尖叫:「李敏鎬呀！」
至晚上十點半，店外已有逾三十人等候，包括fans同途人，而李敏鎬都食飽飽喇，走嗰陣仲不斷同大家揮手，真係好親切!有fans大嗌佢個名，李敏鎬亦應聲回頭向佢哋揮手，相比cool爆嘅Stanley Team好大對比！門口靚姐又尖叫：「李敏鎬呀！」