东网 20171027
【食好西】黃浩然爆陳煒常請食鮑魚
藝人黃浩然和陳煒在尖沙咀出席無綫新劇《果欄中的江湖大嫂》煞科宴。問會否開拍同系列作品?黃浩然就指一定會再與陳煒合作,但是否同系列就未知,要睇觀眾反應及監製安排。問是否停工陪仔仔讀書,黃浩然就指11月會拍旅遊節目:「其實依家放假都陪緊個仔讀書,都想同佢經歷小一,佢由唔使寫字到開學個幾月要背默幾十字。老婆比較大壓力。」又笑指仔仔因要做功課而勁呻,非常搞笑。
而陳煒就表示之後會與袁文傑拍健康資訊節目,屆時會下廚露兩手。問會否開私房菜搵錢?她即笑謂:「呢啲錢唔係我搵,請朋友就OK,做生意真係唔識。」黃浩然聞此即大爆陳煒開工時經常請食鮑魚,出手闊綽。