其實尼場波就真係無乜好寫，參考價值至多等同于季前賽，睇過重播之後就講講幾個球員
1.積遜，可能係對方唔強，今晚終於有翻啲表現，中距離的確係準，從場上睇，佢打二號位好過打一號，希望以後遇強愈強，對住對方鬼仔有更好表現。
2,胡明軒，兩波鏟籃幾靚，亦有突破分波助攻，一個後場傳畀前場積遜攞兩分，諗起當年陳江華，尼種長傳快攻意識，宏遠隊歷年蒞都極少球員具備，但仍需要加強中距離同三分練習。因為對于一個身高唔高嘅球員蒞講，突破分波同中遠距離先係生存之道，少其中一樣都前途有限。
3.楊金蒙，今場七中二，作為一個後衛表現唔合格，同胡明軒樣，賽後要加練。
4.邵英倫，今場表現其實可以，命中率高，防守勤力，搶進攻籃板積極，數據上雖然得一次偷波，但應該有誤，第二節都已經有兩次，而且，起碼仲有兩三次拍到對方個波，破壞咗對方進攻。睇得出有一定進攻能力，賽後同樣需要加練射波。
5.周湛東，同吧主睇法一樣，食之無味，棄之又有啲可惜。佢一在場，只要波到咗佢手上組織，基本就係傳畀企牛角位嘅隊友，然後自己入去內線幫隊友做單擋，等其他人傳波然後單對單結束攻勢，如果場上無另外一個隊友可以帶波組織進攻，佢帶波就意味球隊運轉基本停滯，或者就係帶足幾秒等隊友上蒞做單擋做突破，但突完又分唔到最佳位置，胡明軒分波都好過佢，如果佢自己進攻，鏟籃又唔入，對方簡直就係五防四，態度就一如既往咁勤力，尼樣值得其他後生球員學習，但對于一支八冠球隊，一支高標準高要求嘅球隊，單靠勤力唔夠，否則，癲狗曼臣可以一直喺湖人打到退役。所以，過埋今季，佢應該就會畀球隊放棄，佢未來方向應該係助教。