《数码暴龙》，一部经典日本动漫，首播于1999年。
嗰时无线TVB几乎对每部引进嘅日本动漫嘅主题曲，都会进行粤语填词翻唱，可谓带起咗粤语儿歌嘅最后辉煌期（如今，粤语儿歌已经衰落）。最近因为学校动漫社搞活动，机缘巧合之下重新听到《数码暴龙》嘅粤语主题曲，童年懵懂而又快乐嘅回忆油然而起，同时亦有一种扼腕追昔之感：追昔已经一去不复返嘅童真、扼腕叹息粤语儿歌嘅衰落~~
下面就贴出《数码暴龙》第一到第三部嘅粤语版主题曲。（《数码暴龙》第四同第五部都好似有粤语主题曲，但系呢两部播嗰时我嘅学业已经日显繁重，童真岁月一去不返，亦就冇再追睇嘞。如果有兴趣嘅朋友欢迎跟帖补埋后续几部嘅粤语主题曲）