【清浚出尘】〖受伤〗马浚伟感恩庆幸冇盲

艺人马浚伟前晚拍剧受伤入院治理，左边鼻梁骨折及左眼肿了，故要暂时停工休息，他坦言幸好今次伤及的是左眼，2006年拍剧时同样发生意外曾令眼角膜受伤的他，坦言若再撞伤，分分钟失明，故今次伤得感恩。
马浚伟前晚拍剧受伤，即时入院治理，包扎妥当后回家休息
前晚马浚伟拍摄剧集《守业者》发生意外，被道具枪掷中伤及鼻梁及眼眉，即时血流如注，监制梁材远即时陪他入院医治，处理好伤口后马浚伟已出院，监制更送他上的士，在家休息的他，待伤口痊愈及眼角消肿才可正式复工。
拍档紧张心甜
记者昨日致电马浚伟问及伤势时，他坦言左边鼻梁骨折及左眼眉因之前爆了，现在也肿了，他说：「寻晚瞓觉左边鼻都塞，因为之前流鼻血同裏面损咗，受伤嗰阵都有少少晕，我都坐咗好耐先回到神，真系流咗成摊血，十分钟后先识叫助手攞块镜畀我照吓，不过受伤嗰一刻都好心甜，因为杨怡又帮我抹汗、印血，曹永廉又斟水畀我饮，佢哋都好紧张。」
问到谁是「真凶」？马浚伟坦言唔关拍档事：「剧情讲佢正面攞支枪对住我，我就起右脚踢甩佢支枪，佢再一拳打落我度，当时我都踢得几大力，佢手指仲勾住支枪，最后成支枪飞埋嚟！」他又感恩的说今次左眼受伤已很幸运，若击中右眼可能随时会盲：「事关2006年我拍《天机算》时都畀只马撞伤入院，右边视网膜撞到松咗，如果今次撞番右边，视网膜好容易脱落，肯定盲眼。」
留疤痕仲有型
至於何时复工要五日后视乎情况而定，马浚伟现时要好好休息，不可太大动作，睡觉都要很小心：「原本星期六（29日）会出席林以诺牧师嘅show，不过唱歌运气都有影响，可能唱唔到，只会捧场。」
另方面，昨日马浚伟将自拍伤口照片放上微博，叫大家放心，还笑言：「疤痕唔会太深，有都几有型！」