【蓝儿本色】王祖蓝恶搞全智贤　亚男嗌顶唔顺！

【on.cc东网专讯】 向来钟意搞笑同扮女人嘅王祖蓝，呢日又有新搞作。佢早前应广告商邀请，恶搞全智贤嘅护肤品广告片，广告入面嘅祖蓝着住白背心，学全智贤讲韩文之余，仲要懒靓咁喺度sell product，同全智贤有八成相似之余，效果仲极度爆笑。
虽然斋睇条广告片，完全唔明祖蓝讲乜，但佢接受《东网》访问时，就话其实个广告入面，有一半系真韩文：「其实系我自己逐句韩文听番，然后拼番英文拼音去讲，拼唔到就乱作，所以啲韩文有一半以上系真嘅。」祖蓝更指女友李亚男亦觉得恶搞片十分搞笑：「阿男觉得好好笑，但就顶唔顺咯，因为本身呢个系佢女神　佢话无办法想像自己男朋友喺度扮紧佢心入面嘅女神。」
虽然条片只系曝咗光几日，但网上反应奇佳，祖蓝仲话就连喺美国，都有成二万个粉丝转发条片，真系相当厉害。