Weekend 內外兼備 唐詩詠
09年唐詩詠與前男友崔建邦多次離離合合後正式分手，還遇上哥哥炒燶股票，媽媽心臟病離世，唐詩詠咬緊牙關走過，坎坷過後有艇搭，一年後迎來事業的曙光，勇奪「飛躍進步女藝員獎」，證明演技躍進與人生歷練不無關係。工作備受肯定，愛情也雨過天青，現在她和洪永城愛得低調但甜蜜，還獲封為最佳女友。
撰文：Janice
前男友是非不少，唐詩詠（Natalie）一直選擇陪伴左右，儘管最後二人未能開花結果，她專一且有情有義的形象贏盡觀眾歡心。去年初她跟洪永城被爆拍拖，讓人對男方羨慕不已。Natalie接受本報專訪時，卻笑說不知道自己有甚麼優點，「作為另一半，共患難係一件好簡單嘅事。我諗呢個係爸爸媽媽畀我嘅性格，佢哋本身都係咁嘅人，好為人設想，幾冇所謂。」
煮飯仔氹男友
相約朋友飯局，Natalie不忘表現細心一面，特別揀選鄰近對方收工的地點。那麼，她應該是一位很高分的女朋友？她想了一想道：「70分啦，我覺得永遠唔會滿分嘅，我都係一個普通人，會有情緒，有時開工密咗，可能唔記得畀驚喜另一半，有時可能會懶咗，冇諗多啲花巧嘢或者節目。」Natalie走的是甜蜜而實際的路線，閒時最喜歡玩煮飯仔，雖然廚藝不算很好，但能夠親自構思對方愛吃的菜式，由學習、準備、下廚到上菜，整個過程也是一份心意。
手作禮物是另一冧招，原來她還會織「溫暖牌」，「唔知係咪太Old School？依家啲人少啲咁做，都係買。織頸巾時間好長，又會織錯，但織錯咗都幾好呀，哈哈，有瑕疵佢先知道真係我織，所以我唔叻都繼續。」男士們，妒忌洪先生嗎？
肚餓會發脾氣
有最佳女友在身邊，洪永城定會做個最佳男友吧，Natalie竟笑言曾被對方激嬲，「搞到我餓親囉！我最唔好就係唔餓得，一餓就好易發脾氣，譬如佢已經諗好一間餐廳，但中途又諗去第二度，揀咗好耐，最後去到已經好肚餓，真係好激氣㗎！」沒想到怒火一下子爆發，她坦言生氣時會黑面和默不作聲，「呢個係我嘅缺點，我唔好意思話佢，但又真係好嬲喎。通常佢都明白㗎啦，因為我好少會咁，但唔使氹我㗎，嗱嗱聲車我去食嘢就得㗎啦。」事實上男方已學精，就是隨身帶備零食。
兩年前Natalie引入台灣馳名的洪瑞珍三文治，到香港短期市集售賣，成績非常理想，她否認有生意頭腦，當時只想分享美食，「做呢件事非常辛苦，同埋運費好貴，搞到大家要捱貴包。如果要價錢合理同長遠去做，需要好多嘢配合。」
護膚首要保濕
Natalie多次強調「食嘢好重要」，其實「食極都唔肥」更緊要，當然還要配合運動。身形愈來愈Fit的她，認為瑜伽有助減去「鬼祟肉」，亦能鍛煉耐性，「我本身個人好心急，好多嘢都要即刻做，揸車嘅時候好怕塞車，一唔郁得我就會好忟，係瑜伽令到我平靜番。」至於保養皮膚之道，剛為L’ORÉAL PARiS新產品水清新葡萄籽保濕滋潤霜拍硬照及短片的Natalie，就推崇保濕為先，「保濕係重要過美白，肌膚有足夠水分，自然就會白同有彈性。想皮膚好，永遠都係由最基本做起，睡眠同飲水好重要，同埋一定要揀啱自己嘅護膚品。」無奈工作繁忙，別說出外做Facial，Natalie直言有時疲倦得連Mask也不想敷，還幸幾乎每天都有爸爸的愛心湯水，「我識煲湯，但平時都係爸爸煲，最近會飲雪耳、木瓜或者花膠湯，想滋潤啲、清啲就飲海底椰。」得到爸爸的貼心照顧，難怪可以由內靚到外。
不再怕林文龍
高清拍攝往往是藝人皮膚的大敵，Natalie正在趕拍的無綫劇《不懂撒嬌的女人》更是全高清及全實景拍攝，開工時間比平時長，絕對是耐性及演技的大考驗，「個人會攰啲，成日捱夜個人已經躁底，所以盡量食得清啲，好少食辣嘢同煎炸嘢，令自己舒服啲，冇咁易出粒粒同出油，仲會Keep住做運動，例如落屋企樓下跑步，令心情同皮膚都好啲。」面對同劇的前輩宣萱和林文龍，也容易成為壓力的來源，高海寧更拍至爆喊，不過Natalie甚有信心，「好耐以前同過佢哋合作，嗰時我啱啱入行，好細個，對住文龍好驚。但依家唔同咗，我好開心佢仲記得嗰時嘅我，仲話睇到我依家唔同晒，因為已經大個咗。」這次的角色與Natalie本身性格相似，雖然她不知道是否劇組度身訂造，但有機會再跟兩位前輩合作，感覺就像家人一樣。
▲去年無綫特別安排唐詩詠頒獎給洪永城。
▲唐詩詠覺得《不懂撒嬌的女人》劇情貼近現實。
▲唐詩詠、洪永城鮮有在社交網晒愛。
09年唐詩詠與前男友崔建邦多次離離合合後正式分手，還遇上哥哥炒燶股票，媽媽心臟病離世，唐詩詠咬緊牙關走過，坎坷過後有艇搭，一年後迎來事業的曙光，勇奪「飛躍進步女藝員獎」，證明演技躍進與人生歷練不無關係。工作備受肯定，愛情也雨過天青，現在她和洪永城愛得低調但甜蜜，還獲封為最佳女友。
撰文：Janice
前男友是非不少，唐詩詠（Natalie）一直選擇陪伴左右，儘管最後二人未能開花結果，她專一且有情有義的形象贏盡觀眾歡心。去年初她跟洪永城被爆拍拖，讓人對男方羨慕不已。Natalie接受本報專訪時，卻笑說不知道自己有甚麼優點，「作為另一半，共患難係一件好簡單嘅事。我諗呢個係爸爸媽媽畀我嘅性格，佢哋本身都係咁嘅人，好為人設想，幾冇所謂。」
煮飯仔氹男友
相約朋友飯局，Natalie不忘表現細心一面，特別揀選鄰近對方收工的地點。那麼，她應該是一位很高分的女朋友？她想了一想道：「70分啦，我覺得永遠唔會滿分嘅，我都係一個普通人，會有情緒，有時開工密咗，可能唔記得畀驚喜另一半，有時可能會懶咗，冇諗多啲花巧嘢或者節目。」Natalie走的是甜蜜而實際的路線，閒時最喜歡玩煮飯仔，雖然廚藝不算很好，但能夠親自構思對方愛吃的菜式，由學習、準備、下廚到上菜，整個過程也是一份心意。
手作禮物是另一冧招，原來她還會織「溫暖牌」，「唔知係咪太Old School？依家啲人少啲咁做，都係買。織頸巾時間好長，又會織錯，但織錯咗都幾好呀，哈哈，有瑕疵佢先知道真係我織，所以我唔叻都繼續。」男士們，妒忌洪先生嗎？
肚餓會發脾氣
有最佳女友在身邊，洪永城定會做個最佳男友吧，Natalie竟笑言曾被對方激嬲，「搞到我餓親囉！我最唔好就係唔餓得，一餓就好易發脾氣，譬如佢已經諗好一間餐廳，但中途又諗去第二度，揀咗好耐，最後去到已經好肚餓，真係好激氣㗎！」沒想到怒火一下子爆發，她坦言生氣時會黑面和默不作聲，「呢個係我嘅缺點，我唔好意思話佢，但又真係好嬲喎。通常佢都明白㗎啦，因為我好少會咁，但唔使氹我㗎，嗱嗱聲車我去食嘢就得㗎啦。」事實上男方已學精，就是隨身帶備零食。
兩年前Natalie引入台灣馳名的洪瑞珍三文治，到香港短期市集售賣，成績非常理想，她否認有生意頭腦，當時只想分享美食，「做呢件事非常辛苦，同埋運費好貴，搞到大家要捱貴包。如果要價錢合理同長遠去做，需要好多嘢配合。」
護膚首要保濕
Natalie多次強調「食嘢好重要」，其實「食極都唔肥」更緊要，當然還要配合運動。身形愈來愈Fit的她，認為瑜伽有助減去「鬼祟肉」，亦能鍛煉耐性，「我本身個人好心急，好多嘢都要即刻做，揸車嘅時候好怕塞車，一唔郁得我就會好忟，係瑜伽令到我平靜番。」至於保養皮膚之道，剛為L’ORÉAL PARiS新產品水清新葡萄籽保濕滋潤霜拍硬照及短片的Natalie，就推崇保濕為先，「保濕係重要過美白，肌膚有足夠水分，自然就會白同有彈性。想皮膚好，永遠都係由最基本做起，睡眠同飲水好重要，同埋一定要揀啱自己嘅護膚品。」無奈工作繁忙，別說出外做Facial，Natalie直言有時疲倦得連Mask也不想敷，還幸幾乎每天都有爸爸的愛心湯水，「我識煲湯，但平時都係爸爸煲，最近會飲雪耳、木瓜或者花膠湯，想滋潤啲、清啲就飲海底椰。」得到爸爸的貼心照顧，難怪可以由內靚到外。
不再怕林文龍
高清拍攝往往是藝人皮膚的大敵，Natalie正在趕拍的無綫劇《不懂撒嬌的女人》更是全高清及全實景拍攝，開工時間比平時長，絕對是耐性及演技的大考驗，「個人會攰啲，成日捱夜個人已經躁底，所以盡量食得清啲，好少食辣嘢同煎炸嘢，令自己舒服啲，冇咁易出粒粒同出油，仲會Keep住做運動，例如落屋企樓下跑步，令心情同皮膚都好啲。」面對同劇的前輩宣萱和林文龍，也容易成為壓力的來源，高海寧更拍至爆喊，不過Natalie甚有信心，「好耐以前同過佢哋合作，嗰時我啱啱入行，好細個，對住文龍好驚。但依家唔同咗，我好開心佢仲記得嗰時嘅我，仲話睇到我依家唔同晒，因為已經大個咗。」這次的角色與Natalie本身性格相似，雖然她不知道是否劇組度身訂造，但有機會再跟兩位前輩合作，感覺就像家人一樣。
▲去年無綫特別安排唐詩詠頒獎給洪永城。
▲唐詩詠覺得《不懂撒嬌的女人》劇情貼近現實。
▲唐詩詠、洪永城鮮有在社交網晒愛。
