朱千雪 講追求者即游花園 藝人朱千雪到洪水橋，拍攝無線劇集《踩過界》，並準備了生日蛋糕，為壽星女蔡思貝慶生，千雪表示：「我自己入行以嚟都係喺工作中過生日，呢個班底，王浩信、監製林志華都幫我慶祝過生日，所以我覺得都應該幫思貝慶祝生日。（送咗咩禮物？）蛋糕，佢咁大個人咩都有啦，同埋祝咗佢生日快樂！（知唔知佢有咩願望？）佢話保密，咁希望佢保密嘅願望成真，佢都有話希望《踩過界》收視爆燈，呢個我都希望願望成真 。」
問到千雪有否介紹男仔予思貝，千雪表示：「唔使啦，係嘛，佢需要咩？我覺得佢個願望唔係呢樣嘢。（你同之前講過嗰個可以交流電影同書本嘅男仔，進展成點？）我未生日，所以未有資格許願新一年有新戀情，而且又要返學又要工作，都冇乜時間，感情方面希望隨緣。」