【旧闻19880207】梅艷芳盛裝出席「博愛歡樂傳萬家」綵排

转载自：微博 川島小風

本文來自香港舊報紙，內容轉載自香港Yahoo Blog 一個美麗的回憶 ，配圖並非來自文章
梅艷芳承認缺點多 恨拍拖努力搵對象 喜歡熱鬧將來結婚會大肆鋪張
梅艷芳昨日盛裝出席「博愛歡樂傳萬家」綵排, 原來她是趕著綵排之後參加潘迪生的婚宴.
在刻意打扮之下, 阿梅份外有女人味, 所以在記者面前出現時, 眾人也為之一亮. 阿梅說以前人家只會說她有型, 忽然間被人讚有女人味, 她的自信心也增強了許多.
阿梅接連參加了鍾鎮濤、潘迪生的婚宴, 問她可有寂寞的感覺. 阿梅聽後, 搖頭說:「唔會! 我又唔係恨嫁, 我係恨拍拖而已!」所以, 阿梅八八年最大心願就是找到一個拍拖對象.
有謂阿梅因為條件太好所以難找佳偶, 然而阿梅卻自嘲日:「我無什麼好條件, 相反缺點就多咯, 我第一樣唔靚、第二冇身材、第三又唔夠女人味. 女人最好既我都完全缺乏, 所以冇人要咯!」
對於結緍擺酒, 有人喜隆重, 有人愛靜, 而阿梅性格喜歡熱鬧, 當然取前者.
「一生人一次, 幾大都要熱鬧, 要全世界人知道!」阿梅雖然心願是在香港體育館擺酒, 但也要看她的另一半是否可以負擔得起. 有說以阿梅的身家, 可以資助老公一半?
「唔得, 唔通結緍貼埋大床咩!」阿梅耍手日. 阿梅提及阿B的婚禮, 她說未夠好玩, 因為以為可以玩一餐開心嘅! 誰知大家都規規矩矩.
「當晚我穿埋皮褸, 以為玩到癲都得, 點知非常失望!」
有說因為阿B唔係好玩得, 所以參加其婚禮, 大家都要斯斯文文, 問到阿梅, 她則笑日, 若果自己結緍, 點玩都唔會反面.
「若果掟蛋糕又如何? 嗰晚你一定低胸晚裝架!」記者問.
「冇所謂, 我就掟番佢啦, 或者到時會穿上鐵甲裝都未定啦!」阿梅笑曰.
1988年2月7日