藝人古天樂、張智霖（Chilam）、鄭嘉穎、鄧麗欣等人出席電影《L風暴》慶功宴，監製黃百鳴更帶同孫仔孫女到場，相當熱鬧！有傳Chilam加價千萬續約蕭定一，問到是否真有其事？他笑住反問記者：「咁好？係咪真呀？可唔可以搵番條片畀我睇？有片為證先得。（咁傾續約未？）未呀，都仲有一年先完約，當然都有傾過，亦都開出咗啲條件，暫時都未動筆去簽，都未草擬合約，都係初步。」追問到是否斟酌加薪方面？Chilam坦言多方面都要考慮，目前言之尚早，問到有否追加自己條件？他有所迴避，只答未傾到：「談心先，再有Detail先講。」
Chilam表示《L》僅上映11日就錄得過一千一百萬票房，好感恩，問到如何回饋影迷？他即笑話：「做好啲戲！今次最大得着係見到好多演員，之前只係喺電視劇先見到，覺得好難得，亦都係觀眾最想見到嘅組合。」講到續集，Chilam就話要交由電影公司決定，因為演員是被動，不過即使客串都冇問題，因為要報恩。
講到被邀請出席天王郭富城愛女Chant的1歲生日派對，問到送甚麼禮物？Chilam就表示交由太太袁詠儀負責，又說：「見到好多好耐冇見嘅朋友。（覺得Chant似城城定似方媛？）唔識分，因為仲細個，但見到好開心。（會叫城城公開阿女個樣？）問番佢先得，咁私人嘅問題。」
Chilam表示《L》僅上映11日就錄得過一千一百萬票房，好感恩，問到如何回饋影迷？他即笑話：「做好啲戲！今次最大得着係見到好多演員，之前只係喺電視劇先見到，覺得好難得，亦都係觀眾最想見到嘅組合。」講到續集，Chilam就話要交由電影公司決定，因為演員是被動，不過即使客串都冇問題，因為要報恩。
講到被邀請出席天王郭富城愛女Chant的1歲生日派對，問到送甚麼禮物？Chilam就表示交由太太袁詠儀負責，又說：「見到好多好耐冇見嘅朋友。（覺得Chant似城城定似方媛？）唔識分，因為仲細個，但見到好開心。（會叫城城公開阿女個樣？）問番佢先得，咁私人嘅問題。」
羊羊
