珠江大桥，是以前芳村唯一一条同市区连接嘅陆路通道，听阿爷讲 ，以前佢起泮塘搭19路车，去到石围塘，再搭渡轮过花地河返工。后来，跨越花地河嘅山村桥先开通，芳村大道先逐渐建成。
宜家珠江大桥仲系铁路公路两用桥，唔知点解网上好少对珠江大桥嘅介绍，图片亦都好少，所以特登过去影左几张。镇楼张相有小小偏焦了，所以后期搞成日系风格.......

石围塘，广东第一条铁路——广三铁路嘅始发站，沿用至今。宜家伊度已经变成网红胜地，好多人专登离影相，其实伊度嘅货运站场仲用紧，所以有时d保安会黎赶客。

其实石围塘火车站有三个终点，一个是上面楼过幅图，一路延伸去到码头，第二个是伊层楼幅图，伊个位影相感觉会比上一个位更好操作，第三个是一段废弃铁路，应该好多人都未发现到。

石围塘火车站附近，有好多平房，比较特别嘅低矮住宅区。其实过d唔系城中村，以前铁道附近d地唔属于地方管理，而属于铁总管理，所以火车站周围d地成左地方管唔到嘅位置，好多铁道嘅人（外省人比较多）就起过度搭平房，佢地d家属往往都是做下入火车站入面卖下茶叶蛋嘅工作，因此过一带有自己比较独特嘅文化，不过久而久之亦同本地嘅文化交融。之前翡翠台播《轩仔与他的产地》入面就讲到去石围塘食肠粉，间店就系起过d位置啦。暂时未p伊part嘅相，之后再补返。

讲下地铁，其实芳村是广州最早通地铁嘅地方，一号线首通段就是西塱到黄沙，1997年就有啦。因为芳村嘅地铁是比较早期嘅产物，所以有一段是起路面跑嘅，宜家d地铁唔系起地下就系起高架，应该都唔会起路面啦，毕竟起路面跑有地理阻隔作用，宜家省实高中部附近嘅交通唔方便都是因为伊个原因。

早期嘅地铁站其实都会比较特别，特别是坑口站同花地湾站，全国都好难稳到相似嘅地铁站。伊层楼上坑口站嘅图，花地湾站我未去拍，比坑口更特别，需要带上三脚架用慢门拍先有感觉。

坑口地铁站旁边条人行天桥，影地铁真系一流。

伊段跑路面嘅地铁，使西塱到坑口公几里路两边完全被隔开，只有伊条长长嘅地下人行隧道连接。地铁一边十几年前已经高楼林立，另一边仲系原生态嘅乡村风貌。

广钢铁路，是一段从五眼桥对接广三铁路，跨越花地河，一路延伸到广钢，以广钢码头为终点嘅铁路。是一条企业铁路，随住广钢搬走，广钢铁路也荒废了，相片是起广钢铁路跨越花地河嘅铁路桥拍嘅，真是一个几乎被人遗忘嘅角落。

新隆沙西社区，伊边拆得比较快，附近几乎都被拆了，剩下这一片，里面仲有文物保护区。旁边有条上市路，唯品会的办公室就起旁边，我朋友话伊条路可能是为左纪念唯品会上市嘅......其实上市直街、中市直街、下市直街，应该是芳村早期一路落去嘅街道，不过因为城市嘅发展，变得断断续续，越来越多人唔会记得伊段来龙去脉了。

回忆

白鹅潭，一片正在经历大改造的地区，曾经白鹅潭边上的陆居路旧社区，很快将会被拆，变成白鹅潭商务区的一部分。这条路上有不少食肆，榕树头鸡煲、甜园甜品、铭佳小食、铭泰煲仔饭、阿婆牛杂......其实我觉得味道大多数都一般，不过做了那么多年，名气就渐渐积累起来了。

小的时候，在石围塘住过一段时间，记忆中除了火车站还有一个煤场。

細個果陣，從黃沙碼頭坐船去石圍塘搭火車，宜家間中都去石圍塘車站行行