艺人蔡洁与余香凝现身邵氏兄弟的影视发布会，为网剧《飞虎之雷霆极战》宣传，现场播出的片段中，余香凝跟吴卓羲有接吻戏，蔡洁与余香凝笑言在剧中争仔。
余香凝表示：“系我强吻佢，你哋睇唔到佢好唔情愿咩？当日好冻，拍嘅时候有啲鼻水。我拍戏好少有咀嘴嘅镜头，而且佢仲系前辈。（尴尬？）唔会，不过觉得好梦幻，我细个睇佢做《学警雄心》，依家竟然有Kiss戏。”另外，她又指在剧中首次拍开枪戏，由于她没有经验，所以就没有用棉花塞耳以致听觉受损：“隔离开枪轰一声，只耳仔伤咗几个月先好番，之前啲人讲嘢大声啲，都会听到滋滋声，但睇过生检查过无事，话过一段时间会好。”
剧中蔡洁也要开枪，她自言较好彩：“我个角色好惊青，所以可以做真实反应，唔使扮型。”由于蔡洁之前有个开枪经验，所以事前用了大量棉花塞耳，加上有同剧的黄宗泽教路。讲到跟吴卓羲的感情戏，她坦言两人不乏接吻镜头，并称：“系拍戏以来最浪漫嘅一次，因为之前我演嘅电影都比较阴暗，今次嘅角色好开朗，所以拍得好开心，而且可以同余香凝合作，我哋识咗六、七年，但合作都系第一次。”