【生果】2010年12月11日
鹏哥：思捷扮女人唔好笑

扮嘢鼻祖卢海鹏扮徐小凤维肖维妙，他批评李思捷（右图）扮女人太正经。资料图片
无线福禄寿靠扮嘢入屋，身为扮嘢鼻祖的卢海鹏直言有留意三位后辈演出，日前鹏哥在上环彩排舞台剧《才子乱点俏佳人》时，对于福禄寿的扮嘢才能，他评价说：「佢哋都系扮女人啫，唔扮女人都冇乜嘢睇。我觉得李思捷扮女人太正经，其实咁就唔好笑，要扮到似嗰个人，不如搵嗰个人嚟做，唔使扮啦，呢方面祥仔比较好。」
李思捷在《荃加福禄寿玩转台庆》中扮「的士佬」，令被模仿的陈伟霆感不悦，鹏哥却反问：「边个嚟o架？」当他得悉陈伟霆是蔡卓妍的男友时，才点头表示略有印象。
勿人身攻击
有艺人易嬲唔玩得，鹏哥说：「扮嘢呢，丑化就系要丑化o架啦，但唔好人身攻击。以前我扮罗文，罗文够讲到要告咯，不过佢都知玩吓啫！」
采访：夏琴