二楼说明，三楼正文。
本人常年潜水，不登陆不发言，近日被小妹的天使之行所打动，决定接着她的文往后写。
苗吧已经有一个小弟弟在写文了，那么为了不冲突，我就写粤语版吧，因为始终觉得粤语更有感觉更原汁原味，希望不懂粤语的同学可以多多包涵~
文章只写了一小段，后面的还没有构思完，不能保证一定完成，如果不能完成，大家就当这是翘琳的生活点滴片段来看吧！
多谢支持！

天使之行二
一個陽光明媚的下午，黃竹坑香港警察訓練學校。
張sir有些無奈地看著樹熊一樣的兒子，對柏翹同Fiona道：“你哋又系嘅，而家攞嗰小鬼來搞搞震，俾哋學生睇到，我以後仲點教佢d呀？”
Fiona笑道，“張sir，咁都要你唔系成日掛住班學生，有時間陪winnie仔先得喔！咁winnie仔就唔使成日黐住班哥哥姐姐啦，系咪？”說罷笑著摸摸男孩的頭。男孩見有人撐腰，得意地道，“哽系喇daddy，你要多d陪我！”
張sir望著柏翹，調侃道，“柏翹，你d咁中意細路仔，點解唔自己生番件架？Fiona都番咗嚟幾年……”
柏翹道，“張sir，其實我d……”話音未落，忽然被Fiona截住，紅著臉道，“張sir，其實我d……我d都系時候番差館了，下個星期我會正式升做PI，郭sir話今日下周出調組安排哦……”
“咁好了，咁我唔阻你d了，”郭sir叫兒子同二人講bye-bye，便牽著他的手向辦公室去。
出了PTS大門，柏翹與Fiona相攜走在街邊，一如多年前每一個週末的早晨。歲月慢慢流逝，二人心底的感情也在慢慢積澱，愈加濃厚深沉。
去取車的路上，柏翹問道，“又系你自己話要通知大家呢個好消息，點解又唔俾我講？”
Fiona扭扭捏捏地道，“咁人d……人d仲未做好精神准備嘛！你突然間講出嚟……”
“咁好啦，咁我以後都唔講，等你自己‘準備’好，你自己講好唔好？”
“喂，李柏翹！”Fiona突然間生氣了，站住，轉到柏翹面前，大聲道，“咩我自己講呀？嗰bb你冇份架？你咁講系咩意思？”
柏翹一愣，繼而笑道，“好啦好啦，系我唔啱，系我唔著，老婆大人，冇嬲了好唔好？睇下，bb唔中意了哦！”說著摸摸Fiona的小腹。
“咁你道歉！”
“系了系了，bb系我d嗰bb，件事系我d兩個人嘅事，今後呢，你中意幾時話俾大家知就幾時，你想我d邊個講就邊嗰講，咁得未呀？”
Fiona這才露出笑容，白了柏翹一眼，“算你喇！”
柏翹微微笑著，無奈地搖頭。

夜晚，Fiona到家的時候，已經9點了。柏翹正在臥室寫報告，聽到門聲連忙迎出去問，“返嚟啦？”
“系呀，”Fiona一臉疲倦，“佢d仲要去唱k，我真系頂唔順。”換好鞋，一屁股坐在沙發上，叫道，“好攰呀！”
柏翹忙幫她揉肩，柔聲道，“大肚婆系咁架啦，老公錫嗮你。”
Fiona一臉甜蜜，“都系老公好。”
“系了，郭sir點話？”
Fiona深深吸了口氣，將心一橫，從包裡抽出信封。
柏翹拆開一看，眉頭立刻就皺緊了。嚴肅道，“Fiona，你未同郭sir講bb件事？”
Fiona道，“李柏翹，你今日應承過我d咩？”
柏翹無語。Fiona安慰，“算啦，第一日升職，我唔想人d以為我好麻煩。”
“你有咗bb，仲要去掃黃，你知唔知呢樣好危險架？”柏翹不依不饒，“如果佢d搵你去放蛇，你又去了喔？”
“我……咁人d唔想第一日升PI就轉做文職嘛！”
“唔——得！”
“冇咁啦老公，咁……掃黃組都有backup，都要有人做支援架嘛，又唔系個個要出去拉人……”
柏翹深深望著Fiona，“咁你應承我，要顧住自己安全，知唔知？”
“yes sir!”
柏翹一路歎著氣去廚房端湯，“飲咗佢，煲咗成晚啦，你哽系未食飽來……”
Fiona笑道，“多謝老公！”
待Fiona進去洗澡，柏翹躲進書房，鎖好門，拿起電話。
“喂，林sir，李柏翹，系呀，唔好意思呀咁夜打攪你。”
“系呀，我知，Fiona調咗去你度……”
“其實，佢已經……”
“佢銀系唔肯做文職，我都冇計，只好麻煩你……”
“系呀，系呀，咁好呀，咁多謝你呀林sir，bye-bye。”


週末過後，就是Fiona正式到掃黃組報到的日子。大房內，警察們紛紛猜測，新上司會是誰。
“聽講系madam嚟架！”
“系咩？唔知靚唔靚？”
“靚唔靚唔緊要，未結婚先至好……”
“切，好巴閉咩？”一個小女警不以為然，對另一個女警道，“唔好理佢d，一個二個發緊姣。”
正說著，林sir進來，咳嗽幾聲，“介紹你d嘅新madam，WPI66343，马霭琳督察。”
Fiona忙道，“各位同事大家好，我系馬靄琳，大家可以叫我Fiona，希望我d以後合作愉快。仲有，我之前未做過掃黃，好多嘢唔識，希望大家以後多多指教呀！”
“madam馬，你好。”一位中年男警主動上前握手，“我喺呢度嘅沙展（警長），李成昌。”
“昌哥，你好。”
“來，我同你介紹佢d，”昌哥指著周圍的幾個男生，“細搶，汪智華；Sunday，劉旭日；阿德，劉仲德；輝仔，麥紹輝。”又對後面的兩個小女警說，“阿欣，meimei，你d自己介紹自己啦……”
輝仔有點疑惑地看著Fiona，“madam，點解我覺得你咁面善嘅？我d系咪……”
“唔系呀唔系呀，”阿欣突然擠過來，指著Fiona道，“你系嗰個……安……安琪？傳奇臥底madam呀！”
Fiona保持淡然微笑，“我唔系安琪，我系馬靄琳。”
“哇！”男生們恍然大悟，“系呀系呀，原來系傳說中嘅臥底madam! Madam,幸會幸會！”大家紛紛擠上來握手，還有人拿來紙筆要簽名，昌哥看著一臉嚴肅的郭sir，大喊一聲，“Attention!”幾個人才立正站好。
郭sir道，“不管Fiona之前有過咩經歷，佢而家系你d嘅頭，你d就要尊重佢，服從佢，為咗保護Fiona安全，我亦唔希望你d將之前所知嘅嘢周圍宣揚。Understand？”
“yes sir!”


郭sir走後，一直沉默不語的meimei才走上前，面無表情地向Fiona伸出手，“我系李美寧。”敷衍地握了一下，調頭就走。
Fiona覺得這個女生有點奇怪，好像對自己很有成見的樣子，可是，她們之前并未見過呀！
阿欣從抽屜里拿出張CD，鬼鬼祟祟地把Fiona拉到一邊，小聲說，“madam，我系你fans來架，唔該幫我簽番個名好唔好？”
Fiona一看，正是那碟“一個人失憶”，不由笑道，“你好似而家當緊監喔！”
阿欣有點尷尬，“嚟啦，madam，我同你保證，只此一次，下不為例！”
“你話架！”Fiona簽好名，看見坐在角落里的meimei，問道，“meimei佢……”
“meimei份人就系咁，睇落好似冷冰冰，其實冇咩架！”
“哦……

掃黃組一上午都很平靜，沒有需要外出的case，大家在大房里整理資料。
Fiona在自己的辦公室，百無聊賴地翻看以前的案件記錄，夫妻兩個的結婚照擺在案頭，柏翹正沖著她甜笑。
Fiona拿起相框，“老公，今日系我第一日嚟到新地方，我發誓呀，一定會做到妥妥貼貼，唔會失禮老公你嘅！你都要俾心機做嘢呀，爭取早d升SIP，知唔知呀老公？”
大房里突然響起砰砰聲，就見阿德拿著一個不知什麽工具，在撬文件櫃的鎖。他力氣不小，櫃子被他撬得直搖晃。大房里的幾個人都圍攏上去。
Fiona出門問道，“阿德，昌哥，咩事？”
阿德滿頭大汗，“madam，都系我衰，唔見咗條鎖匙。”
昌哥一臉焦急，“咁都要上報架……”
“唔好啊昌哥，”阿德道，“我仲要升職，唔想咁快花咗嗰file……”
Fiona道，“昌哥，call開鎖＜覈！<br> “千祈唔好啊，madam!”阿德露出哀求神色，“俾次機會呀madam，我一定會儘快搵到條鎖匙架！”
Fiona歎口氣，“咁而家呢？”
其他人都不出聲，除了Fiona，大家都已經很熟。顯然，如果Fiona睜隻眼閉隻眼，大家都打算將這件事瞞過去。
Meimei突然冷冷地道，“使乜麻煩，搵madam撬咪得羅！”
阿德一愣，“嗯？點解？”
“有咩點解，佢最叻撬人牆角啫嘛！”說完瞥了Fiona一眼，大步出門。
Fiona如遭雷擊，楞在當場，她跟柏翹婚姻里，始終有抹不掉的一段陰影。三年的時間，周圍朋友都很有默契地不在她面前提起，但其實，她還是很敏感的。
並不是所有人都清楚這一段故事的來龍去脈，細搶奇怪地問，“meimei食錯咗藥呀？咁講系咩意思？”
Sunday道，“唔通系madam搶咗佢條仔？冇可能呀，都未聽過佢有男友……”
“收聲啦你d!”還是昌哥見多識廣，對這件事略知一二，上前安慰道，“madam，冇嘢吧？佢d亂噏啫，唔好擺落嗰心度。”
“冇，”Fiona搖搖頭，欲哭無淚，卻還得故作堅強，“件事都過咗咁耐了，我唔會計較。”
阿欣體貼地問，“madam，你同meimei……系咪有d咩誤會呀？”
“嗯……我諗系卦……”Fiona不想多談，“好了，唔好談件事，大家做嘢！”
“yes madam!”


下班之後，柏翹同Fiona開車去機場接馬生馬太，車裡播放著熟悉到不能再熟悉的“一個人失憶”，柏翹有些陶醉地輕輕哼著。
Fiona突然伸手關了CD，看似漫不經心地問，“系了，唔知藥煲而家點？”
柏翹心裡吃驚，卻不動聲色，“幾好卦，上個月同佢msn，好似美國間甜品店生意唔錯。”
“系咩？”
“系呀，點解無喇喇問起佢？”
“冇，突然間諗起……冇嘢……”
“哈哈，＜以挘琩大肚婆都中意亂諗嘢，果然系。”
“咩大肚婆呀？話我？李柏翹，我仲好slim架，你夠膽嫌棄我？”說著去擰他耳朵。
“揸緊車呀小姐！”柏翹拍掉Fiona的手，“唔好玩啦……”
夜晚回到家，馬生和馬太早早進房休息。趁著Fiona洗澡的時間，柏翹又打開臥室的電腦。
一封三天前發來的email，安靜地躺在信箱里，發件人顯示是“藥煲”。
“柏翹，對唔住，我唔想打攪你而家平靜嘅生活，但系，阿思正漸漸長大，佢已經懂事，識得問我要daddy，雖然我d已經分開咗，我都唔想佢覺得自己生活喺一個破碎嘅家庭，我好想話俾佢知，佢有一個好錫佢、好叻嘅daddy，柏翹，我諗住暑假帶阿思返香港見你，唔知你意思系點？希望快d答覆我。
下面還有一句，“原諒我，一直以來同你隱瞞咗阿思嘅存在，因為我好驚你會帶走佢，阿思系我而家生命中唯一寄託，我知咁樣對你好唔公平，我諗，都系時候俾你d父子相認。”
Email的附件是兩張照片，主角是一個三歲左右的小男孩，不算漂亮，卻很清秀。一張是生日會，小男孩戴著魔法帽，嘴里塞滿了蛋糕；另一張小男孩和藥煲在花園裡，兩人都笑得很燦爛。
柏翹深深地凝望著照片，不由心亂如麻。他點了回覆，寫了幾行字，最終都刪去。
浴室門響，柏翹手忙腳亂關電腦。Fiona問，“做咩呀？你唔系寫緊report？”
“噢，唔了，＜以掚娔X有輻射，對孕婦同bb唔好。”
Fiona邊擦頭髮邊道，“咁嘛……你去書房用我部機啦！”
“唔好了，我d資料全部喺嗮度，費事搬來搬去。”
“噢，由得你啦！”
正說著，客房里馬太叫道，“Fiona，柏翹，你d過一過來！”
“來……”Fiona應聲，柏翹問，“唔知佢d咁夜搵我d兩個做咩呢？”
“daddy mummy叫你去咪去咯……”Fiona不以為然。


客房裡，馬生手裡拿著幾份律師樓文件，對兩人說，“啱了柏翹，Fiona，叫你d mummy同你d講。”
馬太瞪了馬生一眼，“Fiona，我同你daddy喺美國嗰陣已經聯絡過陳律師，幫我d買番之前間屋，喺我d返嚟之前，件事已經搞到七七八八。”
“真架，mummy，”Fiona很開心，“你d決定返嚟住呀？咁我咪可以成日見到你同daddy？”
柏翹心裡覺得大事不好，果然，馬太道，“唔系我d，仲有你同柏翹，你結婚嗰陣mummy咪講咗嘍，等你d有咗bb，daddy同mummy就返嚟照顧你，幫你湊仔，而家間屋咁細，”馬太周圍望，“請個工人都冇地方住，點得呀，仲有，福伯都唔會成日喺鄉下啦！唔通又要委屈喺呢度了喔！”
“柏翹，”馬生問，“你同Fiona搬嚟同我d一起住好唔好？”
柏翹有些拿不定主意，心裡其實是不太願意的，Fiona看出他在猶豫，便道，“daddy啊，不如……俾我d考慮下先好唔好？”
“唔使了，”柏翹突然道，“daddy，mummy，我應承你d。”
“真系架？”Fiona不由喜形於色，“柏翹，你真系願意搬出嚟一起住？”
“系呀大小姐，”柏翹笑吟吟看著Fiona，“呢間屋系daddy留俾我，我唔系好想賣，但系又的確系細得滯，既然系咁，大不了，搵地產經紀租咗佢咪得嘍！”
“yeah，老公，”，Fiona歡呼，“真系抵錫！”
Fiona漸漸習慣了掃黃組的工作，在她看來，比重案組要輕鬆許多。不用整天對著謀殺和屍體，不用每次action都穿著避彈衣，在進掃黃組一周的時間里，大部份的工作就是接到線報，然後查牌，抓嫖客，將未成年少女轉交給社工，並沒有什麽特別大的case。這樣的環境，讓柏翹也漸漸放下心來。
這一天，快到午餐時間，昌哥忽然接到線報，說旺角有一家叫做“人間天堂”的按摩中心，涉嫌非法性交易及容留未成年少女從事性交易。大家輕車熟路，開會分組之後，帶齊裝備和搜查令，準備出發。
還沒出大房，林sir就進來了，跟昌哥對視一眼，道，“Fiona，今次你唔使去，留喺度支援。”
Fiona不解，“點解啊林sir？”
“啱啱接到線人爆料，呢個骨場而家懷疑背後由社團力量操控，今次行動可能會好危險，其他人著住避彈衣。”
“yes sir！”
“林sir，”Fiona追問，“我系team leader來架！”
林sir依然波瀾不驚，“你啱啱入嚟，好多嘢仲未熟識，唔適合參與今次行動。”
“林sir，咩未熟識啊，我以前系重案組來架！我仲做過五年臥底，咩case、咩危險未見過呀！”Fiona急了，大聲爭辯，“阿sir，總之我覺得你今次嘅決定好有問題！”
“林sir，你咁做好唔公平！”meimei突然站出來說話，讓Fiona大吃一驚。meimei指著Fiona道，“林sir，佢系我d嘅頭，幾危險都好，有咩理由得佢喺度嘆，喺度backup，要我d去前線搏命架！”
“meimei！”林sir的呵斥並未制止住她，meimei激動地道，“論年紀，昌哥又大過佢，論身體，阿欣又孱弱過佢喔，點解受保護嗰個要系佢？就因為佢之前做過大明星？就因為佢同李sir……”
“meimei，越講越唔似樣！”林sir大聲喝止，meimei才住了口，仍是忿忿地盯著Fiona。
Fiona又一次確定meimei跟自己一定有什麽深仇大恨，居然讓她連上司也敢頂，可是她又實在想不起來，也來不及細想，只能抓緊時間懇求道，“林sir，meimei講得啱，論公論私，backup都唔應該喺我。”
林sir有點洩氣，說了句，“咁好啦，阿欣留喺度支援，Fiona，你帶其他人下樓同team B 會合，記住，注意安全。”
“Yes sir！”


馬家大宅，PTS同學會在花園BBQ慶祝柏翹同Fiona新居入夥。
泉叔看著宅院里茵茵綠草，有點擔心，“我d搞到呢度嘁嚓咁亂，伯父伯母會唔會介意架？”
Fiona笑道，“放心啦泉叔，daddy mummy佢d返美國攪埋d首尾，要半個月之後先返嚟。”
柏翹捅了捅Fiona，兩人心照不宣地對望一眼，都有點羞澀。
“咳咳——”柏翹清清嗓子，立文馬上機靈地接茬，“睇來，又到咗我d嘅‘有嘢宣佈’時間啦！兄弟姐妹們，睇下班長今次有咩好事公佈？”
眾人齊刷刷地望向柏翹，Fiona禁不住紅了臉。
“即系……”柏翹笑道，“我同Fiona嘅二人世界呢，好快就變咗三口之家了！”
“噢——“眾人歡呼，peggy問，“Fiona你有咗呀？恭喜嗮啵！”
泉叔大叫，“班長——你都古惑了，幾時嘅事呀？而家先講——”
“冇咩幾時，我d都系啱啱知咗冇耐啫嘛……”
“好了好了，”粗ling很興奮，拉住邦少，“老公，咁以後我d嘅囝囝有伴了喔！”
“代溝就有！”立文大潑冷水，“你嗰仔都讀緊小學，‘老餅’架啦！”
“哎呀，你嗰死仔文呀，唔開聲冇人當你啞架！等我同yoyo投訴，你就知死！”
“投咪投囖，yoyo返咗屏東，使唔使幫你訂機票？”
“你……”
“唔好嗌了，食嘢，食嘢……”柏翹和Fiona已經端出腌製好的香腸、雞翼，幾個人一擁而上圍在烤爐邊。
邦少邊幫老婆烤雞翼邊問，“系了，柏翹，諗好嗰bb叫咩名未呀？”
“未喔，而家男定女都唔知。”
“Fiona，咁你呢？有咩主意？”
“嗯——”
“唔好諗了，”peggy建議，“Fiona，照我講，如果系仔，就叫李、雄、風！好唔好？”
“切——”大夥兒群起而攻之，“小姐，枉你大學生，起嗰名咁土嘅？”
“咩啊咩啊？唔得咩？”
“你唔叫李雄鷹？李雀仔得唔得呀？”
“咦？你唔講我唔覺，李雄鷹都幾好喔！”泉叔大加贊同，“阿文，睇唔出你都幾有嘢啵！柏翹，以後俾個仔入警隊，好似佢daddy咁，做我d警隊雄鷹！”
“嗰名dd都唔cute嘅……”粗ling想了想，“Fiona咁愛班長，不如就叫，‘李愛翹’嚟——”
“吁——”阿文故意哆嗦，“凈一肉麻骨痹。”
“老公，你話呢？好唔好聽啫？”
“老婆你真系有心，”邦少違心地奉承，“仲可以叫‘李思翹’、‘李念翹’……”
柏翹同Fiona一直笑而不語，聽他們調侃，聽見“李思翹”，柏翹的身體忽然僵了下，笑容也凝固在臉上。
BBQ之後，Fiona建議，“大家都食飽咗，不如去游水嚟——”
“好啊，好啊，”眾人紛紛響應，相攜去換泳衣。
臥室，Fiona換了泳裝，在鏡前照來照去，“阿ling啊，你睇我系咪肥咗好多呢？”
“睇下……”Ling握住Fiona的腰，左右看看，“都冇呀，仲系咁slim……”
“唔系嚟，我銀系覺得……”
“心理作用嘅啫，你而家大肚嘛，肥少少都好正常呀，”ling神秘兮兮，“做咩呀，驚班長唔愛你呀？”
“佢夠膽試下！”
“咪系嘍，杞人憂天。”Ling一副過來人的口氣，“而家唔算得咩，過幾個月你就知驚，企喺度望唔到腳趾，成個熊貓咁。”
“咁咪好肉酸？哎呀——”Fiona痛苦地抱住頭。
“邊個女人唔系咁呢？傻妹來架。”Ling撫著fiona肩頭輕聲安慰。
“阿ling，生仔系咪好痛架？”
“系呀，仲痛過捉賊嗰陣俾人割咗一刀……”
“啊？”
“講笑啫傻妹，待你見到bb嗰陣，咩苦啊，咩唔方便啊，全部都唔記得嗮，唔知幾開心就真！”
“其實，我都諗過，只要柏翹中意嘅，佢諗住生幾多就生幾多，我都應承。”
“就知你系咁！”阿ling點著Fiona鼻子，“冇得救了你！”


在这里也是粤语版的啊
好吧 边百度边看 = =

酒吧里人聲嘈雜，柏翹端起啤酒喝了一口。
“兄弟，講喇！”立文道。
柏翹一愣，“講咩？”
“講——咩，仲喺度扮冇嘢，一早睇出你有嘢喇！成日心事重重咁，仲慘過嗰陣俾人port……”
“唉……”
“究竟咩嘢啫？同Fiona鬧咗交呀？”
柏翹搖搖頭，講起收到藥煲email件事。
“嘩——咁大鑊……無喇喇多咗個仔都有？”
“系呀，我都唔知點同Fiona講……”柏翹痛苦地埋著頭。
“你而家嗰外母咁奄尖，成嗰女王咁，俾佢知道，食咗你都遲呀！”
“我唔系驚呢d……我唔想再一次傷害Fiona……”
“嘩——你唔系真諗住父子相認卦？驗下DNA好過喔……”
“驗咩啫？藥煲都唔系咁么人。”
“唔好嬲，我都系講笑啫……我夠知藥煲唔系咁么人了，但系佢而家攞嗰仔上臺，擺明要同你複合啫……”
“我唔知呀……”柏翹把手插進頭髮里，“不過，藥煲講得啱，呢d系我d大人嘅事，阿思系無辜架……”
“咩阿思啊？”
柏翹有點鬱悶，“藥煲嗰仔，李思翹。”
立文“撲哧”一聲笑了，“咁都得……藥煲改架？”
柏翹點頭。
“你仲話佢唔系舊情難忘？”
“都話我唔知了……”柏翹有些煩躁，“我凈系知我唔可以掟低嗰仔唔理佢……”
“咁Fiona點嘛？佢肚入面嗰bb又點嘛？”
柏翹抬起頭，默不作聲。
“柏翹，聽我講，如果話呢個世界上，有一個人系無論你做咗d咩，點樣鬧佢、傷害佢，佢都會咁愛你，咁包容你，嗰個一定系Fiona。”
柏翹深深看著立文，已經猜到他的意思。
立文鼓勵地拍拍他肩頭，“同Fiona講清楚件事，唔好隱瞞，你d共同面對，我諗，佢唔會怪你。”
“嗯……”
燈光搖曳的舞池中，一個穿著前衛的女孩踏著節拍從人群中擠出來，走到吧臺前跟阿will打招呼，“hi，施偉霆！”
阿will一時間認不出來，看了好半天才叫道，“噢……madam！系你呀？”
“唔系我仲有邊個啫？”meimei有些不滿。“好似我d見過冇耐嗰啵！“
“sorry，madam，你今日著成咁，我真系……”阿will 看著meimei一身打扮。
“做咩？madam唔落得pub，唔去得disco架？”meimei撇撇嘴，指著will，“你，同我出一出嚟。”
“咩事啊madam？”
“驚咩啫？又唔系差人查牌，有d私人嘢問你。”
阿will滿腹狐疑地跟著meimei來到酒吧後巷，這裡燈光暗淡，行人稀少。
Meimei道，“而家madam問你話，你唔準抵賴，唔準講大話，要知無不言言無不盡，明白未？”
Will 被她的“訓誡”搞得有些不知所措，“madam，究竟咩事啫？”
“你嗰陣同安琪，即系Fiona，究竟系玩真定玩假架？”
Will一愣，“madam，點解咁問嘅？”
“呢d唔到你理，答咗我先。”
“咁耐了，我覺得冇咩好講，好多嘢都已經唔記得嗮。”will頓了頓，“sorry madam，我諗我都系幫你唔到。”
Will 轉身就走，meimei在後面大聲叫道，“你喺度逃避緊！你根本就系中意佢，系唔系？！”
Will 站住，meimei追上來攔住他，“如果我未估錯，嗰日嘅槍戰如果未發生，佢而家已經系你老婆！”
Will 好氣又好笑，“madam，你無唔無聊咗d呀？如果你而家唔系辦緊案，我諗我有權利唔答呢個問題。”
“你根本喺度扼緊人又扼緊你自己！你從來都未忘記過佢！”
“咁又點嘛”，Will有些不耐煩，“madam，關你咩事啫？你同我講埋d無謂嘢，你究竟想點啫？”
“唔驚你唔認……”meimei得意地笑，“我要幫你。”
“你——幫我？”
“系呀，既然你仲系中意Fiona嘅，點解唔搶佢返嚟啫？我幫你搵返你自己意中人好唔好？”
Will 無比鬱悶，“madam，多謝你咁好心，不過sorry喔，我冇興趣。”說罷，大步而去。
Meimei大叫，“喂，喂，唔好走，你同我企喺度——喂，喂——”


咁耐了 具体什意思？

回复：20楼
就是，这么久了。咁，这样，耐，久。

回复：21楼
THX